Starvsfólk til vørumóttøkutoymið/innkeypsdeildina

Sum partur av vørumóttøkutoyminum tekur tú ímóti vøru, setur vøru uppá pláss í handlinum, syrgir fyri at handilin er snøggur umframt annað fyrifallandi arbeiði. Sum heild vøruhandfaran, og tað sum har til hoyrur. Tú kemur eisini at vera avloysari í innkeypsdeildini og fevnir hetta um innkeyp av merkivørum til Tjaldurs Apotek.

Neyðugt er eisini, at man traðkar til, har tørvur er á tí.

• Hevur góð samstarvsevnir og er jalig-ur/fyrikomandi
• Er røkin, álítandi og tekur ábyrgd
• Hevur góðar telduførleikar
• Megnar skiftandi arbeiðsuppgávur og arbeiðstíðir og arbeiðir sjálvstøðugt
• Megnar broytingar
• Tú ert likamliga væl fyri
• Ein fyrimunur er, um tú hevur royndir innan logistikkøkið, eitt nú innkeyp, tolling, útbúgving í handli

• Vit eru á leið 65 starvsfólk
• Vit eru ISO 9001 góðkend
• Vit brúka telduskipanina AX 2012
• Vit veita tænastu til Landssjúkrahúsið, kommunulæknar, tannlæknar, djóralæknar, ellis-/røktarheim, sambýlir, skipaflotan
• Vit avgreiða áleið 800 kundar hvønn dag, harumframt eini 100-150 sendingar

Okkara fjølbroytta virksemi setur nógv ymisk krøv til logistikkin á Tjaldurs Apotek. Hesari deild kemur tú at vera partur av

Starvið verður lønt sambært sáttmála millum Starvsmannafelagið og Fríggjarmálaráðið, lønarflokkur 2

Hevur tú spurningar um starvið, kanst tú venda tær til Elin Mouritsen, deildarleiðara í logistikk, á tlf. 404050 ella senda ein teldupost til elinm@apotek.fo

Skrivlig umsókn (við avriti av møguligum prógvi, viðmælum og upplýsingum um royndir) skal vera Tjaldurs Apoteki í hendi í seinasta lagi 28. februar. Umsóknir skulu sendast við telduposti til elinm@apotek.fo