Um tú nýtir sera nógvan heilivág, sum er tilskotsheimilaður, so rindar tú helst fult egingjald. Og um tú rindar fult egingjald, ella væntar at skula gera tað, so kann Partgjaldskipanin hjá Apoteksverkinum vera nakað fyri teg.
Vit kenna tað øll, at tað kann vera dýrt at keypa heilivág, tá ið eitt nýtt tilskotsár byrjar. Men nú kanst tú býta egingjaldið javnt yvir alt árið. So sleppur tú undan at rinda so nógv í senn.
Við Partgjaldskipanini hjá Apoteksverkinum verður mesta egingjaldið til Heilsutrygd býtt í 12 javnt stórar partar, sum tú rindar við MínRokning. Lætt, trygt og ómakaleyst.
Fyll út umsóknarblaðið, sum tú fært á apotekinum, og lat tað inn. Tú kanst eisini taka tað niður her á heimasíðuni, fylla tað út og undirskriva og senda tað við telduposti til bokhald@apotek.fo.
Tað loysir seg best at byrja í Partgjaldskipanini tá ið eitt nýtt tilskotsár byrjar.
Um tú rindar fult egingjald, so kann hendan skipanin vera hent hjá tær. Hetta er vanliga tí tú nýtir nógvan tilskotsheimilaðan heilivág. Við Partgjaldskipanini verður fulla egingjaldið býtt í 12 partar, sum verða goldnir mánaðarliga.
Ert tú 18-67 ár, er mesta egingjaldið kr. 2.756,10*. Hetta verður so til umleið kr. 229,75 um mánaðin.
Ella um tú ert eldri enn 67ár, so er mesta egingjaldið kr. 1.862,20*. Í hesum føri kr. 155,25 um mánaðin.
*tølini eru fyri 2025. Egingjaldið verður regulerað hvørt ár.
Fyll út umsóknarblaðið Umsókn til Partgjaldskipan, og lat okkum skjalið, antin við at:
/Silvia_Sunadottir_Kristiansen_apotekid_1395 copy.jpg&width=600&height=400&crop=0)
/heilsukanning.jpg&width=600&height=400&crop=0)
Ein loysn frá Sendistovuni