/Silvia_Sunadottir_Kristiansen_apotekid_1395 copy.jpg&width=600&height=400&crop=0)
/heilsukanning.jpg&width=600&height=400&crop=0)
Hagtøl
Á hesi síðuni hava vit savnað standardiserað hagtøl um reseptheilivág í Føroyum. Dáturnar verða lagdar fram við ATC/DDD-háttalagnum og við fyrikomingarháttalagnum (Prevalence methodology).
Landsapotekarin hevur ábyrgd av at savna saman, skipa og framleiða føroysk heilivágsnýtslutøl.
DDD er ein mátingareind og er tengd at ATC-koduni. DDD verður definerað sum: tann væntaða miðaldagliga viðlíkahaldsdósin hjá einum heilivági, tá ið hann verður brúktur til sítt høvuðsendamál hjá vaksnum.
Hugtakið “prevalens” sipar til tann partin av íbúgvatalinum, sum hevur brúkt heilivág í einum ávísum tíðarskeiði.
Landsapotekarin letur regluliga hagtalstilfar til Hagstovu Føroya, og eru tey at finna á heimasíðuni hjá Hagstovuni undir Heilsumál
Føroyar eru við í norðurlendskum samstarvi NOMESCO & NOSOSCO, har millum annað hagtøl um heilivágsnýtslu verða savnað og samanborin landanna millum.
Hesi hagtøl eru at finna á nýggju heimasíðuni hjá NOMESCO & NOSOSCO
Eru upplýsingarnar á heimasíðuni ikki nøktandi, kann nágreiniligur fyrispurningur sendast okkum. Vit gera eina meting av kostnaðinum at gera hagtølini og senda tær prísmetingina til góðkenningar.
Fyrispurningar um heilivágshagtøl í Føroyum kunnu stílast til Landsapotekaran á teldupostadressu: landsapotekarin(kurla)apotek.fo.
Ein loysn frá Sendistovuni