Vága apotek

Nýggjasta apotekið í Føroyum er Vága apotek, sum lat upp 2. apríl 2025. Vága apotek, sum er staðsett á Heiðavegi í Miðvági, er liður í ætlanini hjá Apoteksverkinum at røkka øllum borgarum í landinum enn betri.

Fimm starvsfólk starvast á Vága apoteki, og kundagrundarlagið í Vágum er umleið 3.500 fólk.

Ein sjálvtøka til handkeypsheilivág er uttan fyri Vága apotek. Sjálvtøkan er opin alt samdøgrið, og allar dagar í árinum. Her fæst mest vanligi heilivágurin, so sum pínustillandi, umframt sjóverkstablettir og annað.