Les kunningarlepan væl, áðrenn tú byrjar at taka Xymelin. Týdningarmiklar upplýsingar standa á honum.
Tú kanst fáa Xymelin nasapístr í handkeypi.
Tak ikki Xymelin, um tú:
Børn yngri enn 2 ár, skulu ikki taka Xymelin, av tí at tey kunnu fáa álvarsom hjáárin, eisini í heilt smáum mongdum.
Tosa við lækna, áðrenn tú tekur Xymelin, um tú hevur:
Børn undir 10 ár skulu bert brúka Xymelin 1 mg/ml í samráð við lækna.
Viðgerðarlongdin eigur ikki at vera longri enn 10 dagar. Verður Xymelin brúkt javnan og í longri tíðarskeiði, kann viðgerðin gera, at slímhinnurnar í nøsini hovna og kenslan av tiptari nøs kemur aftur ella verður verri.
Xymelin skal verða nýtt við varsemi, um tú ert viðkvæmur fyri evnum, sum kunnu geva svøvntrupulleikar, svimbul, pipran, ólag í hjartarútmuni ella ov høgt blóðtrýst.
Onnur heilivágsnýtsla: Sig læknanum frá, um tú ert í viðgerð við øðrum heilivági ella fyri stuttum hevur brúkt annan heilivág.
Um tú ert í viðgerð við ávísum sløgum av heilivági fyri tunglyndi (TCA ella MAOtarnara), so kunnu hjáárinini við Xymelinnýtslu verða styrkt. Spyr læknan ella starvsfólkið á apotekinum.
Matur, drekka og alkohol: Tú kanst taka Xymelin saman við mati, drekka og alkoholi.
Barnakonur: Tú eigur bert at taka Xymelin í samráð við lækna, um tú ert við barn.
Bróstageving: Tú eigur bert at taka Xymelin í samráð við lækna, um tú gevur bróst.
Ferðsla og arbeiðstrygd: Xymelin ávirkar ikki arbeiðstrygdina ella førleikan at vera tryggur í ferðsluni
Nýt altíð Xymelin eftir leiðbeiningini í hesum kunningarlepa, ella eftir leiðbeining frá lækna.
Vaksin og børn yvir 10 ár: Nasapístr: 1 pístr í hvønn nasaglugga í mesta lagi 3 ferðir um dagin, nýtast í mesta lagi í 10 dagar.
Børn: Gev ikki børnum yngri enn 10 ár Xymelin, uttan at tað er í samráð við lækna. Gev ikki børnum undir 2 ár Xymelin.
Soleiðis skalt tú nýta Xymelin nasapístr:
Legg til merkis, at fløskan inniheldur meira enn 10 ml, av tí at tað ikki ber til at tøma fløskuna heilt. Tað er tó altíð møguligt at fáa í minsta lagi 10 ml til nýtslu.
Hevur tú tikið ov nógv Xymelin: Set teg í samband við læknan, skaðastovuna ella apotekið, hevur tú tikið fleiri Xymelin, enn tað stendur á hesum kunningarlepanum; ella fleiri, enn læknin hevur ávíst, og tú kennir teg illa fyri.
Tekin um, at tú hevur tikið ov nógv Xymelin, kunnu vera týðiligt lækkaður kropshiti, sveitta útbrot, dølskni, høvuðpína, títtur og óregluligur pulsur, hækkað blóðtrýst. Børn undir 2 ár kunnu fara í koma. Hesar støður kunnu eisini koma av skeivari nýtslu, sum t.d. við at taka heilivágin ígjøgnum munnin í staðin fyri nøsina.
Hevur tú gloymt at taka Xymelin: Tú mást ikki taka dupultan skamt í staðin fyri skamtin, tú hevur gloymt. Tak skamtin so skjótt sum gjørligt, og tak ikki fleiri ein 3 skamtar um dagin.
Xymelin, eins og allur annar heilivágur, kann hava við sær hjáárin.
Vanlig hjáárin (fáa fleiri enn 1 – 10 av 100, sum eru í viðgerð): Sviði í nøs og svølgi, turrar og viðkvæmar slímhinnur í nøsini, njósi, økt nasaflot.
Ikki vanlig hjáárin (fáa 1 – 10 av 1.000, sum eru í viðgerð): Tipt nøs, serliga um heilivágurin verður brúktur javnan og í longri tíðarskeiði.
Ógvuliga sjáldsom hjáárin (fáa færri enn 1 av 10.000, sum eru í viðgerð): Ógvuslig ovurviðkvom reaktión við m.a. húðútbroti, andadráttstrupulleikum, skjótum og óregluligum pulsi, hovnum andliti og hálsi (anafylaktisk shock).
Eru álvarsom sjúkuhjáárin, ring so 112 ella far beinanvegin til lækna ella á skaðastovu.
Upplivir tú hesi hjáárin, ella fært tú onnur hjáárin enn tey, ið standa á kunningarlepanum, sig so læknanum ella apotekinum frá, so at hjáárini kunnu verða fráboðað danska Heilivágsstýrinum, so at betur fæst at vita um hjáárinini og títtleikan. Sig eisini læknanum ella apotekinum frá, um tú fært hjáárin, sum eru áhaldandi og/ella ørkymla teg. Neyðugt kann vera at viðgera teg fyri hjáárin.
Krógvið Xymelin fyri børnum.
Xymelin skal goymast kaldari enn 25 °C. Tak ikki Xymelin eftir seinasta lokadag.
Lat altíð heilivágsleivdir inn á apotekið til burturbeining.
Xymelin FAP nasapístr hevur í sær hetta virkna evnið: Xylometazolinhydroklorid
Hini evnini eru: Reinsað vatn, dinatriumfosfat dihydrat, natriumdihydrogenfosfat, nartiumklorid, benzalkoniumklorid, dinatrium edetat.
Útsjónd og stødd á ílati: Xymelin nasapístr er farvuleysur loysingur. Xymelin nasapístr fæst í fløskum við 10 ml.
Hevur tú fleiri spurningar, skalt tú seta teg í samband við Framleiðsluapotekið á tlf. 404040 ella umvegis fap@apotek.fo.