Sár kunnu í stórum býtast sundur í einføld sár, har bert húð ella slímhinna hevur fingið skaða, og so sár, har størri blóðæðrar, nervar, sinur, yrkisgøgn ella bein hava fingið skaða.
Einføld sár kanst tú ofta sjálv/ur viðgera, men størri sár skulu í flestu førum undir læknahond.
Rennur úr sárinum, so er gagnligt at nýta eitt plástur ella eitt bind, ið trýstir á sárið. Man skal sjálvandi vera ansin, um ígerð er komin í sárið, tí so skal tað viðgerðast.
Um bara lítið rennur úr sárinum, ella talan er um eitt prus ella skursl, so verður mælt til at nýta eitt plástur við silvuri, sum er bakteriutýnandi og harumframt minkar vandan fyri ígerð (infektion). Um brunasár er, verður viðmælt at hava tað undir flógvum rennandi vatni, inntil pínan er burtur, áðrenn tú fert víðari við viðgerð.
Gev gætur, at tú á apotekinum eisini fært plástur við ongum klistri fyri sera viðkvæma húð.
Vanligar húðbakteriur kunnu geva ígerð í sárið. Eyðkennini fyri ígerð í sárinum eru hesi:
Er sárið ígjørt, og tú ikki fært viðgjørt tað heima, far tá til lækna.
/Silvia_Sunadottir_Kristiansen_apotekid_1395 copy.jpg&width=600&height=400&crop=0)
/heilsukanning.jpg&width=600&height=400&crop=0)
Ein loysn frá Sendistovuni