Nýggjur apotekari á Suðuroyar Apoteki

Durita er útbúgvin farmaseutur frá Det Farmaceutiske Fakultet á universitetinum í Keypmannahavn í 2007.

Í 2023 tók hon akademiútbúgving í projektleiðslu.

Eftir lokna útbúgving hevur hon starvast í 5 ár á Kastrup og Dragør Apotek har hon hevur fingið drúgvar royndir við avgreiðslu av viðskiftafólkum.

Hon hevur eisini royndir við framleiðslu -og góðskuarbeiði sum akademikari á Statens Serum Institut.

Síðan 2013 hevur hon starvast á Framleiðsluapotekinum sum Farmaseutur í Góðskudeildini, har hon hevur havt nógvar ymiskar arbeiðsuppgávur innan góðskuarbeiði.

Hon hevur drúgvar royndir innan góðskuskipanirnar GMP og ISO 9001.

Durita tekur við starvinum 1. septembur 2025.