Apotekið í Steinatúni

Apotekið í Steinatúni lat upp í 2016 og er ein eind undir Tjaldurs Apoteki.

Apotekið í Steinatúni er ein apoteksútsøla og hevur ikki lagur av forskriftaheilivági. Forskriftaheilivágur kann sendast oman til Apotekið í Steinatúni frá Tjaldurs Apoteki. Allur handkeypsheilivágur og flestu merkivørur eru tó at fáa á apotekinum.

Apotekið avgreiðir á leið 100 kundar hvønn dag, og av teimum eru 10-15 forskriftaavgreiðslur, og restin er handkeyps- og merkivøra.

Apotekið í Steinatúni er mannað av farmakonomum.